Bli med som frivillig

Det har vore med frivillige i Hemsingfestivalen sidan starten i 2013, og dei er ein uvurderleg del av festivalopplevinga. Me set umåteleg stor pris på den jobben de gjer – med engasjement, varme og eit smil på lur. Tusen takk for at de er med og skaper den gode stemninga me er så stolte av!

Kva frivillige betyr for festivalen:

Alle festivalar treng frivillige, og me set umåteleg pris på den jobben de gjer. Ragnhild og Eldbjørg gler seg til årets festival og ser fram til eit godt samarbeid med dei frivillige i år som i fjor.

Tidlegare evalueringar syner at dei frivillige på festivalen har sett pris på å vere med, og at dei har trivest med oppgåvene dei har fått. Samstundes ynskjer dei frivillige framleis å vere frivillige. Det set me pris på.

Men festivalen utvidar seg, og me har behov for endå fleire frivillige!

Oppgåver for frivillige:

Oppgåver du kan få som frivillig, er å førebu konsertlokala for øvingar og konsertar, å selje billettar/registrere førehandsbestilte billettar, førebu mottakinga etter opningskonserten, servere, rydde, selje mat og drikke til publikum i samband med enkelte arrangement, tenne faklar, skilte parkering og arrangement, byggje og rive iglo, rigge konsertarenaene opp og ned, og anna.

Felles for alle vakter er at alle må hjelpe kvarandre, bidra til at det er ryddig og godt framkomeleg, og at alle har brannvakt i form av at me tek ansvar både under konsertar, måltid og elles i alle lokale, og at me er årvakne for å førebyggje ein eventuell brann.

Dette får frivillige tilbake:

Mat og alkoholfri drikke på vakter.
Fribillett på valfri konsert
Tilbod om å vere med på Konsertkviss (kan anbefalast)
Innblikk “behind the scenes”

Kven kan søkje?

Kravet for å vera frivillig er at du er blid, positiv og har god dugnadsand. Om du har behov for tilrettelegging, ta kontakt med frivilligsjef Martine Willemstein (frivillig@hemsingfestival.com).